O festival das Revenidas de Vilaxoán segue a sumar nomes ao seu cartel. A cita musical e inter cultural que terá lugar os vindeiros 19, 20 e 21 de agosto contará coa presenza dos irreverentes Poetarras, da Familia Caamagno e da rumba style de La Kimbala. Non son os únicos grupos que se suman a un cartel que xa se veu debullando pouco a pouco e no que tamén estarán Gabriel O Pensador, Fanfare Giocarlia, Zoo, Brincadelia Troupe, Itaca Band, DJ Pimp e o sempre incombustible Leo e Arremecághona.
Aínda queda por desvelar outra tandada de bandas para o que será un dos festivais máis potentes do verán nas Rías Baixas. Cabe recordar que no cartel das Revenidas tambén figuran La Raíz, Russkaja, O sonoro Maxín, Os tres trebóns, Talco, Aspencat, Falperrys, Cuchufellos, Malandrómeda e os dous grupos que gañaron o certame de emerxentes, Ezetaerre e Delombaos.
Os máis rezagados aínda teñen tempo ata mañá domingo á medianoite para mercar o abono de 25 euros para os tres días de concerto con dereito a acampada gratuita. A organización sinala que aínda hai máis sorpresas por desvelar.
