O Xuven pecha mañá a primeira volta da fase regular de EBA co partido ante o Narón en terras ferroláns (18.30 horas). O líder invicto visita ao conxunto do MVP Marcos Sanesteban, xogador máis destacado da categoría o pasado ano que neste lidera o apartado de anotación cunha media de 16 puntos por encontro. Sanesteban é o referente e líder do Narón, aporta en todas as facetas por iso ten máis de 20 de valoración por partido. O pívot local captura case 10 rebotes por encontro e está por riba do 50% en tiros de campo. Secundado por José Luis Otero e Guillermo Pereiro, incorporacións que fixo o Baloncesto Narón esta tempodara, Marcos Sanesteban tira do carro nun conxunto que perdeu a Nicola Bodic antes do Nadal. O Baloncesto Narón ven de gañar os dous últimos partidos, en Ourense 45-76 e contra Chantada na casa por 85-61. Dous triunfos incontestables que fan unha idea do bo momento polo que atrevesa o conxunto que entrena Suso Varela. Este ano empezou con aspiracións máis altas logo de acadar a permanencia in extremis no exercicio anterior. O frouxo inicio de campionato fai que o Baloncesto Narón fixe a permanencia de maneira tranquila como o seu obxectivo nestes momentos. Rubén Pino, por lesión, será baixa mañá para recibir a un Xuven que espera acadar o seu décimo triunfo consecutivo.
cea baile de entroido
A cena baile de entroido que todos os anos organiza o Xuven de Cambados xa ten data, será o vindeiro 16 de febreiro nas Adegas Martín Códax en Vilariño ás 23 horas. As entradas xa están á venda e o precio é de 35 euros para socios e 40 para os non socios. A gran cea baile de entroido do Xuven contará nesta ocasión coa actuación da Studio21 Discotecas Móviles .
