Cabo de Cruz gaña o Trofeo Teresa Herrera
A embarcación patroneada por Manu Gago marcou un altísimo ritmo a partir do segundo longo
Cabo da Cruz, na proba masculina, e Perillo Salgado, na feminina, inscribiron por primeira vez o seu nome no palmarés do Trofeo Teresa Herrera de traiñeiras. Na quenda de honra da proba masculina, disputada en formato contrarreloxo, Cabo da Cruz non deu opción aos seus rivais.
A embarcación patroneada por Manu Gago marcou un altísimo ritmo a partir do segundo longo que nin Tirán nin Samertolameu conseguiron aguantar. O campión da liga Galega avantaxou na liña de meta en 15 segundos a Tirán, que conservou a segunda praza pese ao gran último longo de Samertolameu.
A primeira quenda arrincara co dominio de Bueu Simei, que marcou o mellor tempo das dúas quendas na primeira virada (4:50). Os do Morrazo acabarían firmando o quinto mellor tempo (21:15,47), a tan solo seis segundos de Mecos. Na femenina Cabo da Cruz completou a quenda de honra cun rexistro de (11.51,77), na que Chapela revalidou o título.
