Ariadna Santamaría e Breogán Calviño proclámanse campións absolutos do XXIV Torneo de Tenis de Verán

 A Fundación Municipal de Deportes clausurou o XXIV Torneo de Tenis de Verán que se viña desenvolvendo nas pistas do complexo deportivo municipal de Fontecarmoa dende o 6 de xullo. Na actual edición proclamáronse campións absolutos nas modalidades feminina e masculina Ariadna Santamaría e Breogán Calviño, respectivamente. En dobres venceu a parella composta por Adrián Outón e Breogán Calviño, mentres que Ramón Rey gañou na categoría de veteranos e Gabriela Yufra na dos máis novos.

Á entrega de trofeos celebrada tras xogarse as finais absolutas asistiu o vicepresidente da Fundación de Deportes e concelleiro de Turismo, Álvaro Carou. Nela tamén se recoñeceu aos gañadores da categoría denominada "Lucky Loser" feminina e masculina, Amalia Vieites e Alex Arca, respectivamente. O trofeo á deportividade foi para Aarón García Ferral.

O torneo contou este ano coa participación de 110 deportistas repartidos nas seis categorías previstas e xogáronse un total de 120 partidos polo sistema de eliminatoria.

Na categoría A, Yufra venceu a Gael Arribas por 60 e 6-1, en veteranos, Ramón Rey gañou a Iván Vidal por un dobre 6-1. Na absoluta femenina Ariadna Santamaría venceu a Mª Victoria Fernández por 6-0 e 6-1. Breogán venceu a Martín Fernández por 7-5 e 6-4.