Medios de emerxencias desprazados á zona do suceso
Un incendio urbano causou hoxe danos de consideración nun domicilio ubicado no lugar da Modia, na parroquia cambadesa de Vilariño.
A alerta recibiuse na central de coordinación das emerxencias do 112 Galicia cara as sete e media da tarde.
Segundo indicaron posteriormente fontes participantes no operativo no punto, tratouse nun incendio dun galpón, con maquinaria e leña e que “ardeu por completo”.
Na intervención participaron efectivos de Emerxencias Cambados, Policía Local deste municipio, Bombeiros do Salnés e axentes da Garda Civil cambadesa.
