O PP de A Illa achacou á “falta de previsión do bipartito” o problema de suciedade e oríns denunciado por veciños e visitantes durante as festas.
Lamentan que o goberno local non xestionase “uns baños móbiles”. “Se non son quen de conseguir uns aseos, como van ser capaces de acadar os investimentos e prestar os servizos públicos que merecen e necesitan os nosos veciños?”, cuestiona o portavoz dos populares insulares, Matías Cañón.
