O Concello de O Grove conmemorará o Día de Galicia cun concerto da Orquestra de Cámara Galega dirixida por Rogelio Groba Otero. O concerto terá lugar no Auditorio e dará comezo ás 21 horas. A entrada será gratuíta, se ben é preciso retirar previamente unha invitación, que se poderá recoller a partir do luns tanto na Casa da Cultura como na Oficina de Turismo.
A Orquestra de Cámara Galega interpretará un repertorio baseado en autores galegos e terá unha duración aproximada de 70 minutos. Segundo sinalou o director da orquestra, Rogelio Groba Otero, que conta cunha formación de en torno a 20 músicos, o concerto tamén terá unha vertente didáctica e interactiva. A concelleira de Cultura, Pilar Galiñanes, amosou a súa satisfacción polo feito de que O Grove poida ofrecer aos seus veciños e visitantes unha variada programación cultural, tamén durante o verán, con propostas de tanto prestixio como este concerto do Día de Galicia, que forma parte do programa +Música, promovido pola Deputación de Pontevedra.
