Interveñen en Santiago 150 caixas de tabaco con destino a Boiro que superaban o máximo permitido

A Garda Civil, en coordinación con efectivos da Axencia Tributaria, incautou 150 caixas de tabaco no Aeroporto Rosalía de Castro, en Santiago de Compostela, procedentes de Lanzarote e con destino final á localidade de Boiro. O tabaco superaba a cantidade máxima permitida pola normativa de Impostos Especiais e estaba valorado en aproximadamente 750 euros.

Esta actuación enmárcase dentro dos controis habituais que a Garda Civil realiza de maneira continuada nas instalacións aeroportuarias, a través do seu Servicio Fiscal y de Fronteras e en estreita colaboración coa Axencia Tributaria.

Como resultado da intervención, levantouse a correspondente acta de infracción administrativa por contrabando de tabaco e as 150 caixas intervidas quedaron a disposición da autoridade competente.